Allir tónleikarnir fara fram í sal MÍT, Skipholti 33, 3. hæð og við bjóðum aðstandendur og aðra áhugasama velkomna!

Mán. 21. nóv. kl. 15:30 – Óbó – Klarínettur  – Fagott
Nemendur Matthíasar Nardeau, Gríms Helgasonar og Bryndísar Þórsdóttur

Mán. 21. nóv. kl. 17:00 – Flautur
Nemendur Áshildar Haraldsdóttur, Emilíu Rósar Sigfúnsdóttur og Magneu Árnadóttur

Mán. 21. nóv. kl. 19:30 – Horn – Trompet – Básúna – Euphonium – Túba
Nemendur Jósefs Ognibene, Eiríks Arnar Jónssonar og David Bobroff

Þri. 22. nóv. kl. 17:30, 18:45 og 20:00 – Píanó
Nemendur Birnu Hallgrímsdóttir, Kristjáns Karls Bragasonar, Kristins Arnar Kristinssonar, Peters Maté, Svönu Víkingsdóttur, Þóru Fríðu Sæmundsdóttur og Þórhildar Björnsdóttur

Mið. 23. nóv. kl. 18:00 – Fiðla
Nemendur Bryndísar Pálsdóttur, Geirþrúðar Ásu Guðjónsdóttur og Guðnýjar Guðmundsdóttur

Mið. 23. nóv. kl. 19:30 – Víóla – Selló – Kontrabassi – Gítar
Nemendur Svövu Bernharðsdóttur, Sigurgeirs Agnarssonar, Hávarðar Tryggvasonar og Svans Vilbergssonar

Fim. 24. nóv. kl. 17:00 – Söngur
Nemendur Sigrúnar Hjálmtýsdóttur og Þórunnar Guðmundsdóttur

Fim. 24. nóv. kl. 18:00 – Fiðla
Nemendur Auðar Hafsteinsdóttur

Áfangastjóri MÍT

Þóra Björt Sveinsdóttir var á dögunum ráðin í starf áfangastjóra MÍT. Þóra Björt er menntaður náms- og starfsráðgjafi ásamt því að vera með MA- og BA próf í uppeldis- og menntunarfræðum þar sem hún lagði áherslu á fræðslu- og stjórnun menntastofnana. Hún hefur meðal annars starfað við verkefnastjórn og ráðgjöf hjá stígamótum og sem náms og starfsráðgjafi. Hún hefur jafnfram starfað við stór Evrópuverkefni sem snúa að heilsueflandi vinnustöðum hjá Vinnueftirliti ríkisins og sem kennari. Við bjóðum Þóru Björt hjartanlega velkomin til starfa hjá MÍT og hlökkum til samstarfsins.

Deildarstjóri rytmískrar deildar MÍT

Andrés Þór Gunnlaugsson hefur verið ráðinn í starf deildarstjóra rytmískrar deildar MÍT. Andrés Þór lauk burtfararprófi frá Tónlistarskóla FÍH 1999, BA gráðu í jazzgítarleik og kennslufræðum frá Konunglega tónlistarháskólanum í Haag í Hollandi 2004 og MA gráðu frá sama skóla árið 2006.  Andrés mun jafnframt ljúka diplómanámi í kennslufræði frá LHÍ nú í vetur. Andrés hóf að starfa sem hljóðfæraleikari 1994 á dansleikjum en síðari ár hefur hann verið virkur í íslensku tónlistarlífi með eigin jazzhljómsveitir auk þess að starfa sem hljóðfæraleikari í hljóðverum, tónleikauppfærslum og í leiksýningum.  Andrés hefur gefið út fjölmarga hljómdiska í eigin nafni sem og í samstarfi við aðra. Andrés hefur margoft verið tilnefndur til Íslensku tónlistarverðlaunanna og var útnefndur Bæjarlistamaður Hafnarfjarðar árið 2014. Andrés hefur starfað sem kennari við MÍT frá stofnun skólans og starfar jafnframt sem kennari við Listaháskóla Íslands. Við óskum Andrési hjartanlega til hamingju með nýja starfið og hlökkum til samstarfsins.

Hér er yfirlit yfir samspilstónleika rytmískrar deildar MÍT á vorönn 2022.
Aðgangur er ókeypis og allir velkomnir!

25. 4. Hópur Andrésar Þórs Gunnlaugssonar á Skuggabaldri kl. 17:30
29.4. Söngdeild ásamt hópi Ingvars Alfreðssonar í Hátíðarsal FÍH kl. 20:00
30.4. Hópur Hilmars Jenssonar á Skuggabaldri kl. 16:00
10.5. Söngvinnubúðir í Stúdentakjallaranum kl. 17:00
10.5. Hópur Sigmars Þórs Matthíassonar í Stúdentakjallaranum kl. 20:00
11.5. Hópur Helga Reynis Jónssonar Austursal kl. 20:00
12.3. Hópur Leifs Gunnarssonar, Vestursal kl. 20:00
16.5. Hópur Ólafs Jónssonar í Stúdentakjallaranum kl. 18:00
18.5. Hópur Einars Scheving á Skuggabaldri kl. 21:15

MÍT kynnir með gleði vortónleikaröð þar sem fara í bland útskriftar- og framhaldsprófstónleikar nemenda MÍT og fjölbreyttir samleiks- og deildartónleikar.

Hér að neðan má sjá alla tónleika vorsins:

Á morgun, föstudaginn 25. mars kl. 14:30-17:00 mun Sinfóníuhljómsveit Íslands bjóða strengjanemendum MÍT á fiðlumasterklassa með fiðluleikaranum Simon Papanas en hann er staddur hér á landi til að leika einleik með SÍ fim. 24. mars. Masterklassinn fer fram í sal MÍT í Skipholti.

Simon Papanas þykir frábær í miðlun og kennslu tónlistar og við erum afar þakklát SÍ fyrir þetta góða boð og vonum að sem flestir fiðlunemendur muni geta notið góðs af.

Fjórir nemendur MÍT munu spila á masterklassanum, þar af þrír sem sem munu spila fyrsta kaflann úr Fiðlukonsert nr. 5 eftir Mozart en það er einmitt verkið sem Papanas spilar með Sinfóníuhljómsveit Íslands í kvöld. Það mun því gefast einstakt tækifæri til að fara á dýptina á þessu verki og ætti að vera mjög dýrmætt fyrir alla fiðlunemendur að hlusta á masterklassann en konsertinn er eitt helsta prufuspilsverkefni fiðluleikara um allan heim.

Svona lítur dagskráin út föstudaginn 25. mars:
14:30 Matthildur Traustadóttir
J.S. Bach: Sónata nr. 1 í g-moll, Adagio og byrjun úr Fúgu
15:10 Helga Diljá Jörundsdóttir
W. A. Mozart: Fiðlukonsert nr. 5 í A-dúr, 1. Allegro aperto
15:50 Sara Karín Kristinsdóttir
W. A. Mozart: Fiðlukonsert nr. 5, 1. Allegro aperto
16:30 Austin Ching Yu Ng
Mozart: Fiðlukonsert nr. 5, 1. Allegro aperto

Aðgangur er ókeypis og allir velkomnir.

Menntaskóli í tónlist býður upp á stórglæsilega klassíska tónlistarveislu í Salnum, tónlistarhúsi Kópavogs þriðjudaginn 15. mars kl. 19:30.
Á tónleikunum munu nemendur klassískrar deildar skólans veita áheyrendum innsýn í einstaklega blómlegt starf vorannarinnar og bjóða upp á úrval fallegrar tónlistar. Á efnisskránni verða m.a. verk eftir Bach, Mozart, Puccini, Schumann, Brahms, Debussy, Liszt og Scriabin.

Við hvetjum auðvitað fólk til að mæta í Salinn í Kópavogi en einnig verður hægt að hlusta í beinu streymi hér: https://www.youtube.com/watch?v=hiIMmBcX2eI

Aðgangur á tónleikana er ókeypis og allir hjartanlega velkomnir!