Sjóðurinn var stofnaður í framhaldi af minningartónleikum um Vilhjálm sem haldnir voru í Laugardalshöll í október 2008. Markmið sjóðsins er að styrkja árlega til náms söngnemendur sem þykja skara fram úr á sínu sviði. Umsóknarfrestur er til 1. apríl 2022.
Á sýningunni munu söngnemendur rytmískrar söngdeildar MÍT flytja ástsælustu lög Stuðmanna ásamt átta manna hljómsveit. Hægt verður að mæta í sal en einnig verða tónleikarnir teknir upp og verða aðgengilegir síðar.
Aðgangur á sýninguna er ókeypis og allir hjartanlega velkomnir.
Nemendur í verkefnastjórnun við MÍT sjá um kynningu á sýningunni og eru þeir eru þeir í samstarfi við nemendur á 2. ári í grafískri hönnun í Borgarholtsskóla. Nemendur Borgarholtsskóla hönnuðu plakat fyrir sýninguna sem ber heitið Allt fyrir frægðina,en viðurkenningar voru veittar fyrir þrjár bestu tillögurnar og voru sigurvegararnir eftirfarandi:
MÍT þakkar Borgarholtsskóla fyrir frábært samstarf og óskar sigurvegurum til hamingju!
Verið hjartanlega velkomin á jólatónleika MÍT í Dómkirkjunni fimmtudaginn 16. des. kl. 19:30. Á tónleikunum munu nemendur úr klassískri deild skólans flytja fallega einleiks- og kammertónlist og verður hátíðlegur jólablær yfir dagskránni.Samspilshópar rytmískrar deildar MÍT halda allir tónleika í lok haustannar, ýmist stakir eða tveir saman.
Allir tónleikarnir fara fram í Rauðagerði 27.
Dagskráin er eftirfarandi:
25.11. kl. 20 Hópar Ólafs Jónssonar og Þorgríms Jónssonar í Hátíðarsal
29.11. kl. 20 Hópur Andrésar Þórs Gunnlaugssonar í Vestursal
30.11. kl. 20 Hópar Sigmars Þórs Matthíassonar og Helga Reynis Jónssonar í Hátíðarsal
7.12. kl. 18 Stórssveit MÍT undir stjórn Snorra Sigurðarsonar í Hátíðarsal
9.12. kl. 20:00 Hópar Leifs Gunnarssonar og Birgirs Bragasonar í Vestursal
12.12. kl. 15 Hópur Ingvars Alfreðssonar ásamt söngdeild í Hátíðarsal
Hópur Hilmars Jenssonar hefur þegar komið fram í sýningunni „Ameríska söngbókin“.
Menntaskóli í tónlist býður upp á stórglæsilega klassíska tónlistarveislu í Salnum, tónlistarhúsi Kópavogs þriðjudaginn 2. nóv. kl. 19:30.
Á tónleikunum munu nemendur klassískrar deildar skólans veita áheyrendum innsýn í einstaklega blómlegt starf haustannarinnar og bjóða upp á úrval fallegrar tónlistar. Á efnisskránni verða m.a. verk eftir Mozart, Beethoven, Bruch, Chopin, Ravel, Chaminade, Saint-Saëns og Áskel Másson.
Þess má geta að einleikarakeppni fór fram innan skólans fyrir skömmu og munu nokkrir af keppendum hennar koma fram á tónleikunum.
Við hvetjum auðvitað fólk til að mæta í Salinn í Kópavogi en einnig verður hægt að hlusta í beinu streymi hér: https://youtu.be/9EhJmYJwKb0
Aðgangur á tónleikana er ókeypis og allir hjartanlega velkomnir.
Masterklassinn fer fram miðvikudaginn 20. október kl. 15:00-17:00 í sal MÍT í Skipholti.Flytjendur á masterklassanum:
15:00 Katrín Jónsdóttir – J. Brahms: Sonatensatz
15:30 Emilía Áróra Árnadóttir – M. Bruch: Konsert nr. 1 í g-moll op. 26, 1. kafli
16:00 Fanney Xiao Comte – É. Lalo: Symphonie espagnole, 1. kafli
16:30 Matthildur Traustadóttir – E. Chausson: Poéme Op. 25.
Um Sif Margréti Tulinius
Sif Margrét fiðluleikari lauk einleikaraprófi frá Tónlistarskólanum í Reykjavík vorið 1991 undir leiðsögn Guðnýjar Guðmundsdóttur. Hún hlaut Fulbright styrk til frekara náms í Bandaríkjunum og lauk B.A. gráðu með láði frá Oberlin háskóla í Ohio þar sem kennarar hennar voru Almita og Roland Vamos og síðar meistaragráðu frá New York í samstarfsverkefni milli Juilliard tónlistarháskólans og Stony Brook háskólans. Á námsárum sínum tók Sif þátt í fjölmörgum virtum tónlistarhátíðum, m.a. Aspen Music Festival, Tanglewood Music Festival og Prussia Cove Music Festival. Að námi loknu fluttist Sif til Evrópu og lék ásamt ýmsum tónlistar- hópum á fjölmörgum tónlistarhátíðum víðs vegar um heiminn og má þar m.a. nefna New York Symphonic Ensemble í NY og Japan, Ensemble Modern í Frankfurt og Münchener Kammer- orchester. Haustið 2000 keppti Sif um stöðu 2. konsertmeistara við Sinfóníuhljómsveit Íslands og var í kjölfarið ráðin til starfa. Hún gegndi því starfi allt til ársins 2016 er hún fluttist til Berlínar þar sem hún bjó um nokkurra ára skeið og lék ásamt fjölmörgum virtum tónlistarhópum og hljómsveitum, m.a. Berliner Philharmoniker og Potsdamer Kammerphilharmonie. Sif hefur verið atkvæðamikil í íslensku tónlistarlífi, hún hefur komið fram sem einleikari með Sinfóníuhljómsveit Íslands, m.a. í flutningi á fiðlukonsertinum Offertorium eftir Sofiu Gubaidulina, Fylgjum Þorkels Sigurbjörnssonar og í flutningi á Partitu eftir Witold Lutoslawski. Hún hefur tekið þátt í flutningi kammertónlistar á öllum helstu kammertónlistarhátíðum landsins og hefur bæði, sjálfstætt og ásamt öðrum, tekið virkan þátt í flutningi nútímatónlistar. Hún hefur á undanförnum árum, samhliða tónleikahaldi gefið sér meiri tíma til kennslu, og starfar nú við fiðlukennslu og kammermúsík leiðsögn við Tónlistarskóla Kópavogs og við Listaháskóla Íslands. Í nóvember næstkomandi mun Sif Margrét standa fyrir tónleikaröð í Landakotskirkju sem ber yfirkriftina Bach og nútíminn þar sem hún mun á þrennum tónleikum flytja allar þrjár sónötur J.S. Bach ásamt því að frumflytja þrjú einleiksverk fyrir fiðlu eftir íslensk tónskáld sem samin voru sérstaklega fyrir hana.
Við vekjum athygli á því að Ásta Dóra Finnsdóttir, nemandi við MÍT, leikur píanókonsert nr. 2 eftir Dimitri Shostakovitsj með Sinfóníuhljómsveit íslands miðvikudaginn 6. október næstkomandi. Við óskum henni góðs gengis og hlökkum mikið til tónleikanna!
Þriðjudaginn 7. september kl. 18:00-20:30 mun David Bowlin, fiðluleikari og prófessor við Oberlin Conservatory of Music, halda masterklass í sal MÍT í Skipholti. Masterklassinn hefst kl. 18:00 á stuttum tónleikum David Bowlin og píanóleikarans Tony Cho og síðan munu fjórir fiðlunemendur úr MÍT spila fyrir hann.
Kvartett sænska saxófónleikarans Thomas Backman spilar og kynnir tónlist sína í hátíðarsal FÍH í Rauðagerði fimmtudaginn 2. september 2021 kl 20:30. Kvartettinn mun spila, spjalla og svara spurningum í u.þ.b. klukkutíma.