Hæfniþrep: 1

Einingafjöldi: 4

Viðfangsefni: Tónfræðileg þekkingaratriði, taktur, trommutaktar, laglínur, frasar, form og áferðir í popptónlist

Lýsing: Í áfanganum leggjum við grunn að þekkingu til að geta greint popp- og dægurtónlist út frá ýmsum sjónarhornum og ýmsum tímum.<br /> <br /> Í upphafi verður farið í að skoða form laga í þröngu og víðu samhengi. Skoðað er hvernig popplög frá 1950 fram til dagsins í dag eru byggð upp, allt frá hendingum einstakra ljóðlína upp í heildaform þeirra.<br /> <br /> Við beinum einnig sjónum að trommutöktum. Nemendur fá útskýringu á trommusettinu, hvernig algengir trommutaktar eru uppbyggðir og verða trommutaktar í ýmsum lögum frá ýmsum tímum skoðaðir og greindir.<br />

Forkröfur: Miðpróf í tónfræði

Þekkingarviðmið:

Nemandi skal hafa öðlast þekkingu og skilning á:

  • Trommutöktum, hlutverki og fjölbreytileika þeirra
  • Hvernig laglínur eru uppbyggðar í mismunandi tónlistarstílum
  • Fjölbreyttu formi popplaga og hlutum þess
  • Áferð popptónlistar


Leikniviðmið:

Nemandinn skal hafa öðlast leikni í að:

  • Skrifa upp trommutakta eftir heyrn
  • Greina laglínur (og texta) í frasa
  • Formgreina margskonar popplög
  • Heyra og greina ýmsar áferðir laga


Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

  • Greina heildarmynd lags við fyrstu hlustun
  • Mynda sér persónulega skoðun um lög og stutt hana af þekkingu
  • Búa til sína eigin trommutakta
  • Semja fjölbreytta tónlist


Námsmat:

Til baka í áfangayfirlit.