Opið hús og skólakynningar

Það verður opið hús föstudaginn 13. mars milli kl 16:00 og 18:00 í húsnæði skólans í Skipholti 33. Nánari dagskrá verður auglýst síðar.

Dagana 16. – 18. apríl verður útskriftarhátíð MÍT haldin í Hörpu. Þar fara fram hátt í 40 fjölbreyttir tónleikar útskriftar- og framhaldsprófsnemenda MÍT á þremur dögum í Kaldalóni og Norðurljósum. Hátíðin býður upp á frábært tækifæri til að kynna sér starf skólans og njóta fjölbreyttrar tónlistar.

Dagskrá auglýst síðar á www.menton.is

Inntökupróf

Inntökupróf verða haldin þann 21. maí 2026. Fyrir inntökuprófin undirbúa nemendur tvö verk að eigin vali.

Allir umsækjendur fá einnig senda könnun um stöðu tónfræðiþekkingar. Haft verður samband við alla umsækjendur með nánari upplýsingum um inntökuprófin eftir að umsóknarfrestur rennur út þann 17.maí.

———

MÍT gerir kröfu um ákveðna námsframvindu. Eftir að hafa fengið skólavist í fyrsta sinn á nemandi rétt á að halda áfram námi í allt að 10 annir að því tilskildu að náð hafi verið framhaldseinkunn fyrir skólasókn og lágmarkseiningum (15 ein.) lokið á hverri önn. Einingafjöldi til stúdentsprófs er 200, en af almennu brautinni 150 einingar.  Miðað er við að nemandi sé ekki eldri en 30 ára við útskrift frá skólanum.

Inntökukröfur

Miðað er við að nemendur hafi lokið grunnskóla og miðprófi í hljóðfæraleik eða grunnprófi í söng og miðprófi í tónfræðagreinum við inntöku á klassískar og rytmískar brautir. Ekki er gerð krafa um miðpróf fyrir umsækjendur á popplínu.

Þrátt fyrir þær inntökukröfur sem hér eru settar fram þá áskilur skólinn sér rétt á að taka inn efnilega nemendur ef þeir þykja standa sig framúrskarandi á inntökuprófi að mati dómnefndar. Á öllum brautum er gert ráð fyrir að nemandi ljúki grunnáfanga í tónfræði (popplínur) eða miðprófi í tónfræðagreinum við lok fyrsta námsárs við MÍT.