Ólafur hefur spilað á trommur frá 10 ára aldri og er einna þekktastur fyrir trommuleik sinn með Nýdönsk. Ólafur starfar einnig með Todmobile og Dúndurfréttum. Ólafur hefur spilað með fjölmörgum af helstu tónlistarmönnum Íslands og leikið á yfir 100 hljómplötum. Auk þessa hefur Ólafur margoft leikið með Sinfóníuhljómsveit Íslands.

Einnig hefur Ólafur unnið mikið í leikhúsunum og eru helstu verkefnin Gauragangur, Rocky Horror Picture Show, Evíta, Rent, Grease, Dýrin í Hálsaskógi, Túskildingsóperan, Hárið, Footloose og Vesalingarnir. Ólafur spilar um þessar mundir í Mamma Mia í Borgarleikhúsinu.

Ólafur tók burtfararpróf frá Tónlistarskóla FÍH árið 1992 og hefur kennt þar síðan 1996. Árið 2005 kom út kennslubók í trommuleik eftir Ólaf.

Netfang: oliholm@gmail.com
Símanúmer: 699 6048

Til baka í kennarayfirlit