Fjarnám

Inntökuskilyrði

Til þess að nemandi geti stundað fjarnám í bóklegum greinum við Menntaskóla í tónlist, þarf að sýna fram á kunnáttu sem samsvarar miðprófi í tónfræði.

Skráning

Vinsamlegast athugið að ganga þarf frá skráningu við Menntaskóla í tónlist áður en nám er hafið. Ef þú ert nemandi við annan tónlistarskóla þá vinsamlegast biddu þann skóla að senda inn formlega beiðni til Menntaskóla í tónlist. Ef þú ert ekki í námi í tónlistarskóla þá sækir þú um með tölvupósti á solrun@menton.is

Lokað er fyrir umsóknir nemenda um fjarnám í lok 3.kennsluviku á hverri önn.

Í millitíðinni getur þú skráð þig sjálf/ur inn á vefinn www.fjarnam.menton.is
Á forsíðunni skráir þú þig sem nýjan notenda (rauður reitur efst til hægri). Síðan skráir þú þig í viðeigandi áfanga.
Vinsamlegast athugaðu að ef þú hefur ekki gengið frá skráningu hjá MÍT getur þú átt á hættu að vera fjarlægður úr fjarnámskerfinu.

Fjarnámsreglur MÍT

Í fjarnámi er nauðsynlegt að skipuleggja nám sitt vel og hvaða tíma ætlað er í námið. Sjálfsagi er mikilvægur því að hluta til er fjarnám sjálfsnám þar sem ekki er hægt að fá svör fá kennurum um leið og spurningar vakna. Það er því mikilvægt að lesa allar leiðbeiningar vel, hafa tímasetningar í heiðri og leysa öll verkefni sem fyrir eru lögð. Fylgst er með ástundun nemenda sem skráðir eru sem fjarnámsnemendur í áfanga. Ef nemandi hefur ekki sinnt námi í 3 samfelldar vikur er gefin 1.viðvörun, eftir 4 samfelldar vikur án ástundunar er gefin 2.viðvörun, og í lok 5.viku án ástundunar er nemanda vikið úr áfanganum.

Nemendur MÍT:

Nemendur MÍT geta sótt um fjarnám í áfanga vegna árekstra í stundatöflu, búsetu utan höfuðborgarsvæðis eða vegna annarra sértækra ástæðna sem varða námsferil nemanda og skólastjórnendur taka afstöðu til hverju sinni.

Nemendur MÍT geta nýtt sér fjarnámsvefinn sem stuðning við nám sitt í áfanga við skólann, en teljast þá ekki sem eiginlegir fjarnámsnemendur og eiga ekki rétt á stuðningi kennara í gegnum fjarnámsvefinn, heldur eingöngu í kennslustundum.